شايف العصفورة دي؟

يارب تكونوا بألف خير وسعادة! النهاردة عندي ليكم معلومة مهمة جدًا هتغير معاكم مفهوم استراتيجيات النمو اللي احنا بنشتغل عليها. وهو تحديد مؤشر الاداء الواحد والمهم خلال تخطيطك في الشغل

المقياس الأهم او مؤشر الاداء الواحد المؤثر او زي ما بيقولو 

Only Metric That Matter (OMTM)

في دنيا الأرقام والبيانات اللي احنا عايشين فيها، المقياس الواحد بيظهر كنقطة تركيز رئيسية بتعكس صحة ونمو مشاريعنا

مع زيادة مؤشرات الاداء واختلاف تسميتها من شركة لشركة والتريز علي بعض الاهداف علي انها الاهداف الاهم بيكون فيه مضيعة للوقت والمجهود والموارد داخل الشركات

يعني مثلا لو عندك شركة عندها متجر الكتروني هتلاقي بعض الناس بيهتم بزيادة عدد الاوردرات بغض النظر عن حجم الاوردر اللي ممكن يكون عدد الاوردرات علي منتج معين نسبة تسليماته مش كويسة بيخسر الشركة او ان المنتج اللي بيبيع اكتر بيرهق موارد الشركة من مخزن لتجهيز لشحن

او تحديد اهداف كتير ممكن تشتت الموارد فتبقي مش عارف انت بتجري ورا ايه

الإحصائيات بتقول انه التركيز علي هدف واحد ليه تأثير على النمو: التركيز على المقياس الواحد بيقود الشركات لزيادة ونمو بتصل إلى 30% في ادائهم خلال ست شهور بس من بداية اعتماد وجود مؤشر واحد بنجري وراه كلنا و دي دلالة على قوة التركيز ودقة توزيع الموارد انها فعلا بتخدم الهدف الواحد

وبتحليل أكتر من 300 حملة تسويق رقمي أظهر حقيقة مهمة: الحملات اللي بتركز على المقياس الواحد كانت 45% أكثر قدرة على تخطي أهدافهم من حيث الكونفرجن والتفاعل، وده بيبرز فايدة التركيز الاستراتيجي

Supercharge your customer acquisition with predictive intelligence

Black Crow AI’s newest tech is called Predictive Offer, which uses a custom built model to trigger your pop-up offer at the right time to convert high intent shoppers.

Shopify brands with $2M+ in GMV get a free $100 gift card to book a demo.

تحسين عملية اتخاذ القرار: الشركات اللي ركزت على المؤشر الأهم لاحظت تحسن ملحوظ وأسرع في اتخاذ القرارات، مع تقليل 25% في الوقت اللازم لطرح افكار جديدة أو تعديلات

كفاءة الموارد: التركيز على المؤشر الواحد بيؤدي برضه إلى تقليل بنسبة 40% في الميزانية المهدرة، وهو بيدل على أهمية الاستثمار في الأمور اللي فعلاً بتحرك السوق

في رحلتنا نحو النمو، البساطة غالبًا بتكون مفتاح الحل. وسط كل الأرقام والمقاييس، المؤشر الواحد بيعتبر نجمنا الشمالي في كون التسويق الرقمي الواسع ده

قوللي انت عندك كام هدف بتجري وراهم وهل فكرت تعتمد موضوع الهدف الواحد جوه الشرة عندك ولا ماشية بتبص علي العصافير؟

انصحك تقري المقال في انك ازاي تحدد الهدف اللي محتاج تعتمده