جي تي ام الى النهائية وما بعدها

Sponsored by

طبعاً اي حد اشتغل في مجال الديجيتال انالتكس او التيكنيكال ماركتنج وسطّب التراكينج بايده او حتى معملش ده بايده اكيد عدّى عليه جي تي ام  وانا حابب اني أشارك معاكم انهاردة تيمبلت جاهزة تستخدموها وكمان شوية تفاصيل صغيرة ومعلومات سريعة عن الاداة الاعظم على الاطلاق في المجال ده جي تي ام ببساطة لو عرفت قوّة الاداة دي واستخدمت كل مميراتها صح ممكن تغير قواعد اللعبة في تتبع وتحليل متجرك الإلكتروني وكمان جهودك التسويقية. باختصار هو اهم اداة لأي حد عايز يبسط ويحسّن تحليلات موقعه وإعلاناته.

في البداية ايه هو جي تي ام؟؟

خليني اقولك ببساطة شديدة هو نظام لادارة التاجز (تي ام اس) بدون تأثير! يعني ايه؟ يعني هو نظام يساعدني في جمع الداتا بتاعت موقعي او متجري بدون ما ياثر على الموقع نفسه او سرعته وبدون اللجوء اني اضيف اكواد كتير لتتبع المنصات اللي هشتغل عليها .. ياعم انا توهت بص بالبلدي خالص هي أداة مجانية تخلّيك تقدر تثبّت في متجرك او موقعك علامات التسويق وتخزينها وإدارتها وكمان تساعدك على تتبع التحويلات وتحليلات مواقع الويب وإعادة الاستهداف واكتر من كده من غير تعديل رمز او كود موقع الويب او المتجر بتاعك نفسه.

ليه تستخدم جي تي ام؟ 

ناهيك عن انه مجاني وانه اهم واعظم اداة في جمع بيانات المواقع والمتاجر الا اني خلّيني اقولك على شوية مميزات تانية ليه

١. إدارة العلامات او التاجز يعني بسهولة ( دي بتجاوب على سؤال عايز تتراك ايه؟)

بيتيح لك إدارة وتحديث العلامات لكل منصات التسويق والسوشيال ميديا وكمان منصات التحليل زي جوجل انالتكس على سبيل المثال لا الحصر وغيره كتير من الاخر هيخلّيك تربط اي اداة او تول بموقعك او متجرك بسهولة جداً وكله من خلال جي تي ام نفسه واللي فيه واجهة مستخدم سهلة جداً. يعني مش هتحتاج تعدل الكود على الموقع – مجرد أضف، حدث، وانشر العلامات بكل سهولة ايوة بالبساطة دي.

٢. مشغلات مرنة او ما يطلق عليها تريجر ( دي بتجاوب على سؤال عايز تتراكه امته؟)

هتقدر تعمل قواعد (مشغلات) لتحديد وقت تنفيذ العلامات او التاجز اللي قولنا عليها في النقطة السابقة. سواء كان تتبع زيارات الصفحات، كليك ضغط الأزرار كلها او واحد بعينه، إرسال النماذج او الفورم، أو تفاعلات المستخدمين، من الاخر فيه مرونة كبيرة جداً لجمع البيانات اللي محتاجها.

٣. متغيرات ديناميكية او ما يطلق عليها فاريابل (دي بتجاوب على سؤال اززاي او بشكل عامل اززاي؟)

استخدم المتغيرات هنا او الفاريابل عشان تمسك البيانات الديناميكية او المتغيرة لاستخدامها في العلامات (التاجز) والمشغلات (التريجرز). وده بيضمن إنك تقدر تخصص التتبع حسب احتياجاتك، وتوفر رؤى أعمق عن سلوك العملاء.

٤. أدوات تصحيح الأخطاء المدمجة او ما يسمّي بالديباج فيو او مؤخراً بريفيو

ودي بنستخدمها عشان نتأكد ان التاجز مظبوطة وان مفيش اخطاء فيها وكمان عشان نتحقق من كل المتغيرات ووقت تسميعها قبل ما تنشرها لايف عالموقع بتاعك وده طبعاً بيضمن إن تتبعك دقيق وبياناتك موثوقة.

٥. إدارة الإصدارات

إدارة إصدارات مختلفة من حاوية جي تي ام ( اصدار كونتينر) وده بيخليك تقدر تسترجع او تستعيد إصدارات سابقة لو احتجت. وده طبعاً بيديك راحة بال، لأنك دايمًا تقدر ترجع لإصدار شغال لو حصل مشكلة في اي اصدار جديد.

٦. نماذج جاهزة او تيمبلت

كمان هتلاقي جي تي ام عليه تماذج جاهزة للاستخدام بيتم انشائها من قبل كل المنصات المختلفة عشان تسهّل عليك طرق تثبيت التراكينج بتاعك او التتبّع وعشان كمان يقلل من المتغيرات والعوامل المتداخلة فيه ولكن برضو يظل فيه مساحة كبيرة من اللعب والتعديل والتجربة وانك تحسّن من طرق تتبعك لموقعك ولو عرفت فعلاً تستخدمه صح هتروح للنهائية وما بعدها في التراكينج.

وممكن تستفيد بالكوبون ده وتاخد ١٠٠ دولار وكمان سيشن هدية لدعم الستور بتاعك

Generate more repeat purchases with Black Crow AI

Black Crow AI helps merchants recognize 100% of returning users and predicts shopping behavior patterns so you can effortlessly acquire more sales.

Their Shopify app plugs into your tech stack with zero development work required. And everything is set up for you to see clear incremental revenue so you can judge the value for yourself during a 30-day free trial. 

Their team is so confident you’ll see 5-8X ROI that they’re offering a $100 Amazon gift card to Shopify brands with $2M+ in annual revenue just to get a demo.

أطيب نواع الحاويات في جي تي ام؟

طبعا الحاويات دي بانواعها هي أساسية لتنظيم العلامات (التاجز)، المشغلات (التريجرز)، والمتغيرات (الفاريابلز) خليني باختصار اذكرلك الأنواع الرئيسية واستخداماتها:

حاوية الويب او الموقع

الاستخدام: طبعا معروفة من اسمها بنستخدمها لربط موقع او متجر وهي مثالية لتتبع وإدارة التاجز على موقعك الإلكتروني. الحاوية دي بتدعم مجموعة واسعة من العلامات للتفاعلات والتحليلات عبر الويب.

حاوية ايه ام بي

الاستخدام: مصممة للصفحات المتسارعة للهاتف المحمول والحاوية دي محسّنة لتحميل الصفحات بسرعة على الموبايل وبتضمن إدارة فعالة للعلامات او التاجز دي على الصفحات اللي من النوع ده.

حاوية الخادم او السيرفر

الاستخدام: ده اللي بيطلق عليه دلوقتي سيرفر تراكيتنج وده بقى مطلوب مؤخراً بعد تحديثات الخصوصية في كافة انواع مشغلات الموبايلات اللي بتقلّل من تتبع استخدامات عملائها للتطبيقات او المواقع الخارجية لكن من خلال حاوية السريفر دي تقدر تقوم بتنفيذ العلامات على جانب السيرفر نفسه، مما يوفر أمان وأداء أفضل. الحاوية دي مثالية لإدارة العلامات اللي محتاجة تعمل على السيرفر بدلاً من متصفح العميل وبالتالي تضمن دقة اعلى وكمان امان على العميل وعلى مستقبل البيانات دي.

حاوية الموبايل

الاستخدام: من اسمها فهي أفضل لتطبيقات الجوال. الحاوية دي بتدعم العلامات او التاجز المصممة خصيصًا لتفاعلات وتحليلات تطبيقات الجوال.

وجه معاد الهدية اللي محضرينها ليكم وهو اني هشيّر معاكم قالب جي تي ام حصري  وجاهز للتجارة الإلكترونية

علشان نساعدك تبدأ بسرعة، إحنا بنقدملك تيمبلت او قالب جاهز للتجارة الإلكترونية تقدر تسطبه على متجرك بسهولة. القالب ده جاهز للتحميل والاستخدام، وبيضم علامات (تاجز)، مشغلات (تريجرز)، ومتغيرات (فاريابلز) مُعدّة مسبقًا لتلبية احتياجات تتبع التجارة الإلكترونية. المزايا الرئيسية تشمل:

إزاي تستخدم القالب

١. تحميل قالب التجارة الإلكترونية

اضغط هنا لتحميل ملف القالب.

٢. استيراد القالب إلى جي تي ام:

ادخل على حسابك في جي تي ام واذهب إلى الحاوية بتاعتك.

اضغط على علامة التبويب "ادمن" واختر "ادراج حاوية".

اختر ملف القالب اللي حملته وحدد خيار الدمج لإضافته لإعدادك الحالي أو لإنشاء حاوية جديدة.

٣. مراجعة ونشر

راجع التاجز والتريجرز والفاريابلز الموجودة علشان تتأكد إنها بتتناسب مع متطلبات التتبع الخاصة بيك.

اضف اكواد التتبع الخاصة بمنصاتك او البيكسيلز بتاعتك.

انشر التغييرات وابدأ في الاستفادة من قدرات التتبع المحسّنة.

نتمنى إن الميل دي يساعدك ويسهل عليك استخدام جي تي ام وتبسّط تتبع متجرك الإلكتروني. لو عندك أي أسئلة أو محتاج مساعدة، تقدر تابعني وتكلمني على لينكدان هنا او فيسبوك هنا وانا هجاوب عليك.

تتبع سعيد!

فوتكم بعافية.