ازاي تظبط الفانل كونڤرجن: من الأوارنيس للأكتڤيشن

اهلًا وسهلًا بيكم في نسخة جديدة من جروث وايز

في نسخة انهاردة هندخل مع بعض في بروسيس مكونة من ٣ خطوات

هدفها الأساسى هو تحسين الكونڤرجن في الفانل بتاعتنا

خصوصًا من مرحلة الأوارنيس للأكتڤيشن

:والبروسيس دي هتكون كالأتي

رسم وتخطيط اليوزر چورني: محتاجين نحدد ايه الخطوات اللي هيمشي عليها المستخدم من اول مرحلة اكتشاف المنتج او الخدمة بتاعتك وده هو الأوارنيس، لحد مرحلة انه يشوف القيمة في المنتج او الخدمة دي وده هو الأكتفيشن
وفي المرحلة دي انت محتاج تبدأ الأول بإنك تحدد كل مصادر الأكويزيشن عندك اللي بتنتهي بمحطات الأكتڤيشن، وده عشان تساعد نفسك في انك ترسم الرحلة دي في شكل بصري وتحسن عليها 

تحليل الكونڤرجن وتحديد المشاكل فين: اول ما تخلص تخطيط ورسم للجورني، بتبتدي تحلل الكونڤرجن ما بين كل خطوة عندك في الچورني عشان تعرف ايه اللي بيخلي الناس تقع منك. هنا مهم اوي برضه انك تعمل يوزر ريسيرش لإن ده هيساعدك تفهم ليه اليوزر بيقع منك، ممكن يبقى بسبب ان اليو اكس فيه مشكلة، طريقة استخدام المنتج فيها شوية تعقيدات، او ان اليوزر مش فاهم هو هيستفاد ايه من المنتج في النهاية

تحديد فرص الجروث اللي تزود كونڤرجن الفانل عندك: وهنا انت هتركز على تحسين الكونڤرجن في النقاط اللي الناس بتقع فيها منك، لإن دي احسن نقاط فيها مساحة كبيرة انك تحقق جروث، وده بشكل اساسي هيبقي من خلال استخدام كل التاكتيكس الخاصة بالكونڤرجن ريت اوبتمايزيشن

فـ تعالى مع بعض ناخد كل مرحلة من البروسيس دي بالتفصيل ونشوف ممكن نعمل فيها ايه

✍️

خطط اليوزر چورني من مرحلة
الأوارنيس لمرحلة الأكتڤيشن

الهدف بتاعك لما اليوزر يكتشف المنتج بتاعك، هو انه تخليه يجرب القيمة اللي موجودة فيه

بس عشان يوصل للمرحلة دي، انت محتاج تعدي اليوزر على كذا خطوة الأول

هدفك هنا بقى هو انك تحدد الكام خطوة دول ايه، وترسمهم بشكل ممنهج

ودي نقطة مهمة جدًا لإن الجروث مش المفروض عليك انك تقف اول ما تحقق الأكويزيشن

 او توصل له وتبقى مفكر ان خلاص احنا كده خلصنا

انك يبقى عندك رؤية كاملة للفانل واللي فيها هو اللي بيحقق

في النهاية جروث ممتد على فترات طويلة

وعشان تعمل كده، محتاجين نبدأ الأول بإننا
نفك اليوزر چورني على ٣ مراحل اساسية

الأوارنيس: ازاي اليوزر بيعرف البراند بتاعك، او بيعرف انك موجود؟، ايه الشانلز الخاصة بالأكويزيشن عندك بشكل عام؟

الأكويزيشن: اليوزر بتاعك بعد ما يعرف انك موجود، بيروح فين؟ هل بيروح على لاندينج بيدج، ولا الأب ستور ولا الويبسايت؟ وكمان هما محتاجين ايه عشان يستخدموا المنتج بتاعك؟ هل مجرد اشتراك، ولا بيطلب ديمو من المنتج ولا ايه بالظبط؟

الأكتڤيشن: ازاي بقى بتعمله اون بوردينج، وازاي بيستخدم المنتج ويكتشف القيمة اللي موجودة فيه؟

:وتعالى ناخد مثال في بالتطبيق على ابلكيشن لملخصات الكتب

✅ الأوارنيس - الناس بتعرف او بتسمع عن المنتج بتاعك

وده من خلال الشانلز المختلفة، سواء بقى من الأب ستور، او من الإعلانات، او من الأورجانيك وهكذا 

✅ الأكويزيشن - انك تحول الناس دي انهم يبقوا مستخدمين 

الهدف هنا انك تخلي الناس دي تشترك في الأبلكيشن، كل الأكويزيشن شانلز اللي قدامك دي مطلوب منها توجه الزائر في النهاية لصفحة الأبلكيشن في الستور عشان تبتدي تعمل الخطوات الأتية

✅ الأكتڤيشن - انك تخلي اليوزرز يسكتشفوا ويجربوا القيمة اللي في المنتج بتاعك

الهدف هنا على الأبلكيشن اني اخلي المستخدم يقرأ اول كتاب له على الأبلكيشن، وعشان كده انا محتاج امشيه في بروسيس بسيطة جدًا ممكن تكون كالأتي:

لما تيجي تبص على البروسيس دي، هتلاقيها انها معمولة في ابسط شكل ممكن، وده عشان نقلل اي خطوات زيادة ممكن تتحط قد تعيق اليوزر من انه يكمل معايا ف يقع مني في النهاية 

🔎

حلل الكونڤرجن، واكتشف المشاكل موجودة فين

هنا بقى مطلوب منك انك تحلل الكونڤرجن ما بين كل مرحلة في اليوزر جورني اللي رسمناها فوق في الخطوة الأولى 

وده عشان تفهم بشكل اوضح اليوزر بيقع منك ازاي وفين

👇 وحاول تجاوب على الأسئلة دي وانت باصص على اليوزر جورني والأرقام بتاعتها

:ثم بعد ذلك بقى بص وركز اوي في معدلات الكونڤرجن في الحتت دي

الكونڤرجن ريت على الويبسايت عندك، نسبة الناس مثلًا اللي عملت اشتراك او طلبت ديمو

نسبة اكتمال الأونبوردينج: ودي نسبة الناس اللي خلصت الأونبوردينج بتاعك كله

نسبة الأكتڤيشن، ودي نسبة الناس اللي وصلت لـ لحظة الأكتڤيشن خلاص بالنسبالك

❗ممكن لما تبص على الأرقام تلاقي مشاكل زي كده

❗وهنا بقى نيجي للخطوة اللي بعديها، وهو اننا نفهم ليه الأرقام دي طالعة كده

:وده الحقيقة ممكن يكون راجع لـ ٣ اسباب بشكل رئيسي

عدم وضوح الڤاليو بروبيزيشن، او القيمة المعروضة: ممكن يكون المستخدم مش فاهم ايه القيمة في المنتج ده اصلًا، وده في معظم الأحيان بيحصل وهو على الويبسايت بتاعك او على اللاندينج بيدج بتاعتك، وفي النقطة دي لو ده حصل فـ الكونڤرجن بيقع جامد 

تجربة المستخدم سيئة او صعبة: كل ما المستخدم بيواجه صعوبة في انه ينتقل من مرحلة لمرحلة، بنسبة كبيرة جدًا هو مش هيكمل 

تجربة الأونبوردينج معقدة او طويلة جدًا: المستخدم هنا هيفقد صبره ببساطة لو شايف ان الاونبوردينج طويل او ما بيخلصش 

لو ما عملتش التسلسل ده بالترتيب ده، صعب اوي تقدر تحدد اللي هتعمله في المرحلة الجاية، فـ خد بالك

👌

حدد فرص الجروث اللي تزود كونڤرجن
الفانل عندك

:هنا انت خلاص المفروض عندك حاجتين

رؤية واضحة لخطوات الفانل واليوزر جورني ماشية ازاي

عارف المشاكل اللي في الفانل ايه اللي تقدر تشتغل عليها وتحقق جروث فيها 

:عشان تحسن الكونڤرجن، عندك اختيار من اتنين

يا تحسن على الاستراتيجي اللي انت شغال بيها دلوقتي 

يا تعمل استراتيجي من اول وجديد 

وهنا انا بتكلم على التحسين في الاستراتيجي ككل، سواء خارج المنتج او داخل المنتج نفسه

ونظرًا لإن الاختيارات في النقطة دي كتير، ف خليني اقولك على ٦ حاجات ممكن تشتغل عليهم يساهموا في زيادة الكونڤرجن ريت في الحتت الواقعة منك في الفانل

الڤاليو بروبيزيشن: جرب تعمل تيستينج هنا بكذا اوبشن للڤاليو بروبيزيشن وشوف انهي بيجيب كونڤرجن اكتر

السوشيال بروف: السوشيال بروف مهم جدًا عشان يزود ثقة مستخدمك المحتمل في المنتج او الخدمة بتاعتك

ديمو مجاني: لو منتجك يسمح بحاجة زي كده، جرب تدي ديمو مجاني يخلي المستخدم المحتمل يشوف قوة وسهولة منتجك قبل ما يدفع فلوس فيه

الفومو: جرب تقدم عروض محدودة المدة بجد في فترة زمنية وتلتزم بيها، ده ممكن يزود عندك الكونڤرجن في مناطق معينة في الفانل عندك

المحتوى التعليمي: انك تعلم المستخدم ازاي يستخدم منتجك بسهولة دي واحدة من اكتر التاكتيكس الفعالة في انك تزود نسبة الأكتفيشن عندك، لإن مش كل المستخدمين عندك على نفس القدر من المعرفة، وعشان كده اعمل فيديوهات ومقالات بتجاوب فيها اي اسئلة متعلقة بمنتجك وطريقة استخدامه

التواصل من خلال السي ار ام: ودي نقدر نقول عليها واحدة من التاكتيكس اللي ما ينفعش ما تستخدمهاش في انك تتواصل مع مستخدمك من خلال الرسايل جوه الأبلكيشن، او البوش نونفتكيشنز، او الإيميلات

جرب كل الإختيارات الممكنة، وخلي عينيك دايمًا على الأرقام، وقارنها بالأرقام اللي قبل كده

وفي النهاية هتقدر توصل لنتايج احسن

وبكده خلص ايميل انهاردة

اتمنى تكون استفدت من الرحلة التفصيلية اللي عملناها انهاردة داخل الفانل

لو عندك اي اسئلة تقدر ترد بيها على الايميل ده على طول

ولو ما تعرفش فـ انت كمان تقدر تشترك في نشرتي البريدية التانية

اللي برضه ببعت منها كل يوم حد ايميل دسم جدًا مليان تفاصيل عن مواضيع مختلفة

سواء في الكوبي رايتينج واستراتيجيات بناء العلامات التجارية وريادة الأعمال

اشوفكم ان شاء الله في ايميل جديد عما قريب