الفرخة ولا البيضة؟

الفرخة ولا البيضة؟

ساعات بتلاقي نفسك صاحي لحد الفجر وغرقان في انك ازاي تبتدي تدور مكنة الشغل عندك تبتدي من التخطيط ولا تشمر ايدك وتشوف الكامبينز ولا تشوف التوولز اللي جايبينها ولا التريندات اللي شغاله ومحتاج تركب عليها ودنيا كبيرة سيادتك انت لا تعلم عنه شيئا؟ 

أنا كمان كده والله 

 بس خلينا نسيبنا شوية من حوار الفرخة والبيضة ده وندخل في دوامة أعمق وأشد غموضاً الا وهو  عالم تكنولوجيا التسويق، يعني المارتك هنحاول نكتشف مين اللي جه الأول — الاستراتيجية التسويقية ولا التكنولوجيا — ويمكن كده نحل واحد من أكبر ألغاز الصناعة

عايزك تتصور نفسك ايها المسوق الباحث عن حقيقة الفرخة والبيضة والعالم حواليك حرفيا بيجري بسرعة الصاروخ وكمية توولز حواليك ومواقع بتعمل تحليل لكل حاجة اللي تكاد تكون فاهمة البيزنس بتاعك وعارفاك انت شخصيا اكتر من الست الوالدة وعارفة انت بتسهر لحد الصبح تعمل ايه يا بائس

تخيل معايا ايها المسوق البائس انت بتشوف ده كله وتقعد علي اكسيل ولا ملف وورد تعمل بلان او تخطط وتكتب اول كلمة فيها وتلاقي توول تسحلك فيها كل اللي انت عايزه ومش محتاج غير انك تسجل بإيميلك البائس علشان تجرب وكآنها العصا السحرية اللي هاتخلي ارقامك احسن وتثبت جدارتك علي ادارة عشة الفراخ اللي شغال فيها قصدي الشركة

طيب اللي عايز اقولهولك في الميل ده هو انه المارتك مش مجرد توولز وادوات تسهل حياتك دي ممكن تبقي الدوامة اللي تسحبك انت والعشة بالفرخة والبيض في دوامة متعرفش تطلع منها ولا هتعرف تحقق بيها حاجة في دنيتك

ولازم تكون عارف انه المارتك عبارة عن ادوات وتوولز بتستخدمها في مراحل معينة زي المراحل اللي هقولهالك دي

الادوات اللي بتساعدك تعمل الاعلانات وتحللها زي منصات السوشيال ميديا اللي بتشتغل عليها

الادوات اللي بتساعدك في انشاء المحتوي نفسه وادارته وتحليل اهتمامات العميل

الادوات اللي بتخليك تتحكم وتنظم علاقتك بالعملاء بتوعك

الادوات اللي بتساعدك وبتنظملك عملية البيع وعرض المنتجات او الخدمات

الادوات اللي بتحلل ادائك وادء البيزنس بتاعك 

الادوات اللي بتساعدك تتحكم في البيزنس نفسه وادارة موظفينك

فاللي عايز اقولهولك انه مش مهم الادوات والمواقع المهم هو انت عايز ايه في البيزنس وعليه تقدر تحدد انت محتاج تستخدم ايه منهم

"يبقى إيه الحكم النهائي — مين جه الأول، الفرخة ولا البيضة؟ 

عندك حكاية تحكيها أو رأي تشاركه عن العشة اللي شغال فيها؟ قوللي عليها ومش هقول لحد