احنا ناقصين لبخة في الكلام

ساعات بنشتغل في شركات وبنتفق علي بلان ونشغل الاعلانات ونكتشف انه نفس المصطلح عندي مختلف عن الناس او العكس - ويطلع بقي شوية محنكيين يصححلك المفاهيم مع انه عادي ممكن تسميها علي اسم اعمامك المهم تحقق هدف البيزنس انما تقول ايه في واحد محنك

فمهم عزيزي المسوق البائس تكون متفق قبل ما تنفذ اي خطة في اي مكان انك تتفق علي المفاهيم والمصطلحات وتتآكد انها واحدة عند كل الناس

الكلام هنا مش بيستهدف اصحاب الشركات وبس لا ده كمان الناس اللي شغالة في المجال او بينقل شغله اونلاين

اهم المصطلحات اللي بترن في ودن الناس اللي شغالة في المجال

Lead = ازاي تحول ترافيك موقعك "زائر عادي" ل عملي محتمل وبيتقال عليه هنا لييد

Conversion Rate = ازاي تزود نسبة التحويلات علي موقعك - من حد مهتم لحد بياخد قرار

Order Value = ازاي تزود حجم الاوردر للعميل علي موقعك

Upselling - Cross Selling = ازاي تزود مكسبك من العميل الواحد بأنه يشتري منتج تاني هو مكنش عايزه بس ليه علاقة بالمنتج اللي بيشتريه او انه يشتري نفس المنتج بامكانيات اعلي

Product Title = ايه عنوان المنتج اللي يخلي الناس تشتري بسببه 

Trendy Products = ايه افضل منتج تركز عليه وازاي تعرف المنتج اللي عليه مبيعات وتريندي

Niche Research = لو بتشتغل افلييت او دروبشيبينج ازاي تختار نيش معين علشان تكسب اكتر

طب ايه الكلمات اللي ممكن تسمعها في وانت بتعمل كامبين او حد ماسكلك شغل الاعلانات

PPE or CPE = يعني هاتدفع كام مقابل حد اتفاعل معاك

CPM = هاتدفع كام علشان اعلانك يحقق الف مشاهدة

CPA = هاتدفع كام علشان واحد ياخد اكشن - يعني يزور موقعك او يبعتلك رسالة يسأل علي حاجة

CPL = هاتدفع كام وواحد يملي فورم ويسيب بياناته

Website conversion = يعني كام واحد سجل او اشتري من الموقع بتاعك

CTR  = نسبة الناس اللي اتفاعلت مع اعلانك من نسبة مشاهدة الاعلان كله

CTA  = يعني ايه الاكشن اللي محتاجه لما حد يشوف اعلانك - يعني عايزه يكلمك ولا يزور الموقع ولا يشتري

Facebook PIXEL = يعني انت رابط الفيسبوك بالموقع بتاعك وبتخلي الفيسبوك يعمل حاجتين - الاولي انه يقري اي اكشن حصل الموقع فيقدر يحسبلك الكونفرجن علي الموقع وكمان يقدر يخليك تتارجت الناس دي مرة تانية علي الفيس بوك بأنه بياخد الكوكيز بتاعتهم

LLA – Look alike audience = يعني الناس اللي صفاتهم شبهه الناس اللي عملتلهم تارجت قبل كده واتفاعلو معاك بشكل او اخر - يعني اشترو منك او ملو فورم او اتفاعلو مع بوستاتك او دخلو الموقع بتاعك وبيبقو تارجت لطيف لو التارجت الاساسي كان مربح وعمل الاكشن اللي كنت متخيله

Sales funnel = يعني المفروض العميل بتاعك علشان يشتري منك بيمشي بكام خطوة وبيشوف منك كام اكشن قبل ما يقفل البيعة

نصيحتي خد يوم متعملش فيه حاجة غير انك تفتح جوجل تكتب المصطلحات وتعدي عليهم واحد واحد هتلاقي حاجات بتفتح معاك سكك وابعد ارجوك عن المحنكين وخليك بائس في حالك

ولو عندك مصطلح او مفهوم دايما بتتخانق علي شرح معناه او بتختلف عليه مع الناس ابعتهولي ونفتي فيه سوا