من جوه يعلم الله

من جوه يعلم الله

عزيزي المسوق البائس قبل ما تعمل شير لسكرين انت بايع فيها ب ٥ مليون دولار انت محتاج تطمن علي فلوسك - علشان اغلب الوقت انت بتجري كوست اعلان وبادجت كبيرة ومن بره هالله هالله وتدخل في الوقت نفسه البيزنس نسبة تسليماته وحشة ومفيش اوبريشن يخدم فالاوردرات بتقع منه ومن جوه يعلم الله

فالكلام هنا النهاردة بيستهدف الناس اللي شغالة في المجال

البوست ده هدفه انه يفكرك باهم مصطلحات بتقابلها في البيزنس بتاعك - ولو فيه حاجة مش عارفها دور عليها علشان بجد الموضوع مش مبيعات وبس لا ده فيه ليلة كبيرة وراها انت محتاج تلمها وتفهمها قبل ما تدور المكنة 

فمثلا انت كمسوق انت مهتم بالاتي

نسبة الكليكس والزيارات من الاعلان بتاعك

نسبة التحويلات او الكونفرجن عندك جوه الموقع

سعر البيعة الواحدة بكام من الاعلان

العائد علي الاعلان من كل دولار او جنيه اتصرف كام ضعف

بس دول مش كفاية فإنت محتاج برضه تعرف الاتي

مصاريف التشغيل علشان البيعة تتم وتتوصل للعميل علشان بتتخصم من توتال المبيعات

نسبة المارجن اللي بيتحط علشان تعرف مكسبك في كل قطعة بتتباع وايه سقف تكلفة الاعلان للبيعة الواحدة

نسبة التسليمات للمنتج اللي شغال عليه مهم جدا تكون عارفها 

وهنا اوعدك لو انت ملم باللي قولتلك عليه هاتبقي من بره هالله هالله ومن جوه برضه هالله هالله

وشاركني بقصص واسكرينات مستفزة وانا اقولك قصتها كانت ايه